wrapper

Denon Bizitzak Erdigunean plataformak deitutako elkarretaratzean parte hartzera dei egin du udalak

Denon Bizitzak Erdigunean plataformak deitutako elkarretaratzean parte hartzera dei egin du udalak

2003tik, emakumeon aurkako indarkeria matxistari buruzko datuak jasotzen hasi zirenetik, 121 emakume eta 12 haur erail dituzte Euskal Herrian, eta, aurtengo azaroaren 25ean, bereziki gogoan hartu nahi ditugu haiek guztiak. Urteak daramatzagu indarkeriari maskara kentzen, sistema patriarkal sendo baten ondorio baita, eta, Azpeitia ere ez baitago hartatik salbu. Horren adierazgarri da, 2023. urtean, momentuz, 16 kasu artatu direla Gizarte Zerbitzuetan indarkeria matxistagatik.

Gehiago irakurri
Jostailu ez-sexisten gidaren zabalpena egingo da aurten ere

Jostailu ez-sexisten gidaren zabalpena egingo da aurten ere

Jostailu ez-sexistak aukeratzeko gida argitaratu zuen duela urte batzuk Azpeitiko Udalak, eta, aurten ere, haren hedapena egingo du digitalki; besteak beste, ikastetxeetara eta ludoteketara bidaliko du.

Gidak jolas eta jostailu sexistak zer diren azaltzen du. Era berean, jostailuak aukeratzeko irizpideak biltzen ditu, adina, oparitu beharreko kopurua eta beste faktore batzuk kontuan hartuz.

Gehiago irakurri
Astelehenean zabalduko dute haurren igeriketako ikastaroetan izena emateko epea

Astelehenean zabalduko dute haurren igeriketako ikastaroetan izena emateko epea

Azaroaren 27tik abenduaren 1era eman ahal izango da izena haurren igeriketako ikastaroetan. Urtarrilaren 8an hasi, eta martxoaren 22an amaituko dira ikastaroak.

Gehiago irakurri
Igandera arte eman daiteke Kirol sarietarako botoa

Igandera arte eman daiteke Kirol sarietarako botoa

Abenduaren 16an banatuko dira aurtengo Kirol sariak. Hiru kategoria egongo dira: Urteko Kirolaria gizonezkoetan eta emakumezkoetan eta Urteko Boluntarioa. Kirol taldeek nahiz herritarrek egindako proposamenekin osatu dira hautagaien zerrendak, eta igandera arte eman daiteke botoa. Boto-ontzi bana dago kiroldegian eta igerilekuan, eta posta bidez ere eman daiteke botoa, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzita.

Gehiago irakurri
Etxebiden izena emanda daudenek abenduaren 5era arteko epea dute Esklabetako zuzkidura-etxeetan izena emateko

Etxebiden izena emanda daudenek abenduaren 5era arteko epea dute Esklabetako zuzkidura-etxeetan izena emateko

Eusko Jaurlaritzak gaur argitaratu du Euskal Herriko Agintaritzaren Aldizkarian Azpeitiko Esklabak komentu zaharrean gazteentzako 48 zuzkidura-bizitoki alokairuan esleitzeko prozesua hasteko agindua. Izena emateko epea asteazken honetan (azaroak 22) hasiko da, eta abenduaren 5era arte egongo da zabalik. Kontuan hartu behar da dagoeneko Etxebideren alokairu-araubideko eskatzaileen erregistroan alta emanda daudenek bakarrik eman dezaketela izena Esklabetako zuzkidura-etxeetan.

Gehiago irakurri
Elkarretaratzea eta hitzaldiak izango dira Azaroaren 25aren bueltan

Elkarretaratzea eta hitzaldiak izango dira Azaroaren 25aren bueltan

Larunbatean izango da Emakumeen Kontrako Indarkeriaren Aurkako Nazioarteko Eguna, eta Azpeitiko Udalak hainbat ekimen prestatu ditu herriko elkarte eta eragileekin elkarlanean. Larunbatean bertan izango da horietako lehena: 12:00etan, elkarretaratzea egingo da plazan, Denon Bizitzak Erdigunean plataformako kideek antolatuta. Ondoren, azaroaren 30eko greba feminista orokorrera atxikitzeko argazki erraldoia aterako da.

Gehiago irakurri
Hiru ikastetxeetako ikasleak, elkarrekin zumitzezko jolasgune  bizi bat osatzen

Hiru ikastetxeetako ikasleak, elkarrekin zumitzezko jolasgune bizi bat osatzen

Zumitzezko jolasgune bat osatzeko prozesuan murgildu dira Karmelo Etxegarai, Ikasberri eta Iraurgiko LH5 eta LH6 mailetako ikasleak. Loiolako bideko belardian kokatuko da, eta haurrek beraiek diseinatu eta erabakiko dute nolakoa izango den gunea; emaitzak bezainbesteko garrantzia izango du prozesuak berak.

Gehiago irakurri
Jolasaren garrantziaz arituko dira azaroaren 23an

Jolasaren garrantziaz arituko dira azaroaren 23an

Azaroaren 23an, Jolasaren garrantzia haurtzaroan hitzaldia izango da Basazabal jauregian, 18:00etan. Jolasaren bueltan, hainbat gai landuko dituzte. Alde batetik, haurren komunikatzeko moduetako bat jolasa dela kontuan hartuz, haien bizitzetan zer leku izan behar duen azalduko dute. Bestetik, haurren egunerokotasunean jolasa zergatik den hain garrantzitsua kontatuko dute; horrez, gain, gurasoek haurren jolasean izan beharreko rolaz arituko dira.

Gehiago irakurri
Kantuz gogoratuko dute Joanes Antxieta larunbatean

Kantuz gogoratuko dute Joanes Antxieta larunbatean

Joanes Antxieta musikari azpeitiarraren heriotzaren bosgarren mendeurreneko ekitaldian barruan, kontzertua izango da larunbatean, Frantziskanetako elizan. Urko Sangroniz zuzendariaren gidaritzapean, han izango dira Vandalia ahotsak, Bilboko Koral Elkarteko Euskeria Korua, Azpeitiko Julian Barrenetxea abesbatza, eta Azketa eta Parrokiko abesbatzak. 19:00etan hasiko da emanaldia. 

Gehiago irakurri
LGTBI+ pertsonen errealitateak ezagutu eta herri bizigarriagoa  lortzeko egitasmoa hasi du udalak

LGTBI+ pertsonen errealitateak ezagutu eta herri bizigarriagoa lortzeko egitasmoa hasi du udalak

Eihera kooperatibaren laguntzaz, herriko LGTBI+ pertsonen errealitateak ezagutu eta ekintza-plan bat osatu nahi du Azpeitiko Udalak. Helburua da pertsona horien bizi baldintzak hobetu ahal izateko neurri eta politika zehatzak diseinatu ahal izatea.

Egitasmoak hainbat fase izango ditu: hasteko, herriko LGTBI+ pertsona, eragile feminista, elkarte eta norbanako ezberdinekin bilduko dira Eiherako teknikariak, kolektiboaren behar, aldarrikapen eta ikuspegiak jasotzeko. Ondoren, udaleko sailekin lan-saioak egingo dira, administrazioaren barruan dauden muga, zailtasun eta aukerak arakatzeko. Azkenik, egindako ibilbidearen berri eman, eta sortutako neurri eta politiken aurkezpena egingo da.

Gehiago irakurri