Azpeitia, sagarra, baserria eta sagardoa etenik gabeko soka baten segida dira, eta hori erakusten du oraindik ere gaur egungo jardunak. Sagardo Egunaren ospe on eta aprezioaz gain, bada bestelako loturarik ere, eta aurten berriro ere Euskal Herriko III. Sagardo Txapelketa Herrikoiaren finala Azpeitian egingo da irailaren 30ean. Azoka plazan egingo da, Udalak bertako produktuen salmenta, promozio eta ezagutzarako prestatu duen txokoan.
Duela bi urte hasi ziren txapelketa herrikoia egiten, eta orduan ere Azpeitian egin zuten finala; azoka plaza zaharrean. Eta berria ere estrenatuko dute. Horretarako arrazoiak badaudela azpimarratu du Olatz Mitxelena Gipuzkoako Sagardogileen Elkarteko kideak: "Itzuli gara Azpeitiarekin dugun harreman onarekin segitzeko, eta gureak bezalako txapelketa batek eskatzen duen azpiegituran eta antolakuntzan ezinbesteko ekipoa bilatu dugulako hemen".
Azpeitiak urteetan sagardoarekin eta baserriakin izan duen lotura azpimarratu du Eneko Etxeberria alkateak: Harreman horren adibide da uztailean aukeztu genuen Sagardoa Azpeitian liburua".