Uztailaren 1etik eta abuztuaren 31ra bitartean, denboraldi altua bezala markatua dagoen denboraldian, 8.461 bisitari turista hartu dira Loiolako turismo bulegoan. Eneko Etxeberria Azpeitiko Alkatea eta Iraurgi Berritzeneko lehendaria pozik agertu da datuekin: "Iaz errekorra egin zen bisitari kopuruan, eta aurten datu horiak berdindu dira Loiolako Turismo bulegoan. Eta horretaz gain, turista eta bisitarien fluxua gure herrietan nabarmena izan da, eta oraindik ere bada. Egunero ditugu gure kale, denda eta tabernetan, eta, beraz, bide onetik goaz".
EAEko jatorria duten bisitariak izan dira 612 (%7) eta egunpasa etorri dira, 4.580 (%54) espainiar penintsulako jatorria duten turista izan dira eta 3.269 (%39) atzerritarrak.
4.187 (%49) turista independiente edo bere kabuz bidaiatzen duena izan da, eta beste erdia (4.274) taldean antolaturiko bidaian etorri dena.
2016arekin alderatuz, kopurua bere osotasunean esanguratsua ez den jaitsiera bat izan da (308 turista, %3), baina tipologian aldaketa bat nabaria izan da. Egunpasako bisitaria (EAEko jatorria) jaitsi eta aldiz turista atzerritarra, taldean nahiz bakarka igo. Esan Gipuzkoa -Donostiako tendentzia izan dela honakoa.
Atzerritarren igoera datu positiboa da oso, bai taldean eta, batik bat, norbanaka etorri direnen igoera da aipagarria. Kanpoko errentetan oinarritutako kontsumoa da hori, edozein jarduera ekonomikorako giltzarria.