Urrestilla, Nuarbe eta Matxinbenta auzoko hainbat bizilagun Azpeitiko Udalera deika hasi dira azken egunotan telefono linea finko eta Internetik gabe daudela adieraziz. Azpeitiko Udalak hainbat gestio egin ondoren jakin du arazoa kable lapurretak sortu duela. 200 metro kable lapurtu dituzte eta horrek eragin du hainbat auzotarako zerbitzua etetea, horrela adierazi dio Telefonicak Udalari.
Arazoaren oinarria zein den jakinda Udalak gestioak egiten jarraituko du telefono konpainiarekin irtenbidea lehenbailehen emateko.