Pasa den udan behin behinean hasi ziren baserritarrak azoka plaza berrian asteartetako azoka egiten. Obra luzeen ostean, berriro etxera itzuli ziren, baina oraindik ere Elikagunea ireki eta azoka plaza ofizialki inauguratzeko aste batzuk falta badira ere, eragile eta erakunde ugari azoka plazare proiektua ezagutzera gerturatzen dira. Joan den astean, zehazki, Arantza Madariaga Nekazaritzako Elikagaien Segurtasunerako Euskal fundazioko zuzendaria izan zen azoka ezagutu eta proiektua bertatik bertara ezagutzen. Bertan Eneko Etxeberria alkatearekin, Josu Labaka zinegotziarekin eta Alain Sabalza azoka plazako proiektuaren dinamizatzailearekin bildu zen.