Turismo kulturala da EDEN-en helburua, eta hiru eskualdetako herrien ondare historiko kultural aberatsa proiektu amankomunean antolatzea baloratu da. Ignaziotar Lurraldea proiektuak Inaziotar Bidea, Hiru Tenpluak (Loiola, Antigua eta Arantzazu) eta herrietako baliabide historiko artistiko kulturalak elkar eragiten duten espazio bizi bat islatzen du.
Datozen egunetan komunikatuko da ofizialki. Eskerrik beroenak proiektuaren garapenean bidelagun gaituzuen erakunde eta eragile guztiei.
Eden sariaren diploma, Fiturren
- 2018/01/18
Abenduan jakin zenez, Ignaziotar Lurraldea, Urola Erdia, Urola Garaia eta Debagoiena eskualdeak garatzen duten turismo kulturaleko proiektua izan da EDEN, Europako komisioaren Bikaintasunerako Europear jomugak (European Destinations of Excellence), sariketako garaile 2017 -2018 urteetarako. Egunotan Fitur turismo azokan dira Iraurgi Berritzeneko kideak, eta atzo arratsaldean Eneko Etxeberriak, Iraurgi Berritzenen izenean sariaren berri ematen duen diploma jaso zuen.
Etxeberria “pozik” azaldu da diploma jasotzean: “errekonozimendu inportantea da hau guretzat, eta oso gustura gaude. Azken urteotan lan asko egin dugu Inaziotar Bidea sustatu eta indartzeko, eta fruitua eman du lan horrek. Sari honekin, indarrak hastuta gogor segituko dugu lanean”.