Plazako obrak hasi aurretik, azoka plaza atzean kotxeentzako aparkalekua zegoen, eta azoka plaza inauuguratzearekin bat, 13 autorentzako aparkalekua berriro ireki da. Lehen bezalaxe funtzionatuko du: gehienez 90 minutuz aparkatu daiteke autoa astelehenetik ostiralera 9:00etatik 14:00etara eta 16:00etatik 20:00etara bitartean eta 9:00etati 15:00etara bitartean larunbatetan. Gutxienez 0,20 zentimoko kostua izango du eremu horretan aparkatzeak (25 minuturako) , eta 90 minutu egiteko 0,70 zentimo ordainduko dira.
Aparkaleku publikoa Alberdienean
Alberdieneako etxeak eraikitzeko obrak abian dira, eta eraikina bukatzean, garajearen lehen solairua aparkaleku publiko bilakatuko da; Udalak etxeen promotorearekin sinatuta duen hitzarmenaren arabera. 1.611,10 metro koadro dituen lehen solairua eskuratuko du 415.185 euroren truke, eta, gutxienez, 51 autorentzako aparkalekuak egokituko dira bertan.