Saioa 9.00etan hasiko da Eneko Etxeberria alkatearen ongietorriarekin eta jardunaldiaren aurkezpenarekin eta jarraian, Xabier Etxeberria Deustoko katedraduna dignitateaz eta talde ahulenen eskubideez arituko da. Ondoren Arrasateko gizarte-langilea den Olatz Etxaberen txanda izango da eta Gizarte Zerbitzuetan autonomiarekiko errespetuaz mintzatuko da.
Jose Luis Quintas medikuak aurretiazko borondateen agiriez hitz egingo du eta ondoren, Azpeitiko Udalak abian duen esku-hartze soziosanitarioko esperientzia azalduko da jardunaldian Pedro Vidaror medikua, Ana Landa psikiatra eta Edurne Zubia Udal Gizarte Zerbitzuetako teknikariaren eskutik.
Azkenik, 15.15ean, Etika eta tratu ona gizarte-zerbitzuetan eta zerbitzu soziosanitarioetan hitzaldia eskainiko du Maria Jesus Goikoetxeak, Deustoko irakasle doktoreak.
‘Etika esku-hartze soziosanitarioan’ jardunaldia izango da Azpeitian ostegunean
- 2018/04/24
Herritarrak formatzeko aukerak eskaintzen jarraitzen du Azpeitiko Udalak. Zentzu horretan, unibertsitate eta zentro desberdinekin hainbat ikastaro prestatu ditu eta ostegunean, apirilak 26, jardunaldi berezia izango da. Izan ere, Deustoko Unibertsitateak eta Azpeitiko Udalak elkarlanean antolatuta, ‘Etika esku-hartze soziosanitarioan’ jardunaldia izango da ostegunean udaletxeko azken solairuan.
Jardunaldiaren helburua garbia da; esku-hartze soziosanitarioan gaur egun dauden arazo eta gatazka etiko nagusiak aurkeztea eta aztertzea, esku-hartze horretan aktiboki parte hartzen duten eragileak kontuan hartuta. Izen-emate epea amaituta, jardunaldirako plazak guztiak beteta daude eta partaideek, esku-hartze soziosanitarioaren inguruko profesional eta adituen iritzi eta esperientziak entzuteko aukera izango dute.
Web estekak
GARDENTASUNA
Datozenak
