Aurtengoan, 633 haur eta nerabek parte hartu dute eta begirale taldea ere handai izan da; 38 profesionalen ardurapean izan dira. Hala, herriko gazte askok begirale lanean aritzeko aukera izan dute.
Azken urteetan egin moduan, herriko zenbait eragilerekin elkarlanean burutu dira ekintzak, hala nola, herriko beste udaleku eskaintzekin, Xeye Atletismo taldearekin, Antxieta Arkeologia taldearekin, Lagun Onak Bizikleta taldearekin, Ekoetxeako kideekin... Bertsolaritza, eskalada edo jumping bezalako ekintzak ere egin dira elkarlanean.
Eguraldia ere alde izan da da, eta horrek ere lagundu du aurreikusitako ekintzak behar bezala aurrera eramaten.
Aurtengo Udal Udalekuetan berrikuntza moduan zaintza zerbitzua jarri da abian, eta horrek ere erantzun ona izan du. Goizero hainbat ume ibili dira udalekuen aurretik Txiki Txoko Ludotekan. Gurasoek ere balorazio positiboa egin dute eta hobekuntza proposamenak ere kontuan izango dira datorren urterako.