wrapper

Oharrak

Bihar, urriak 12, 18:30ean hasiko da XIX. Azpeitia Erremonte txapelketa, eta 19 eta 26an ere sailkapen faseko partiduak jokatu ostean, azaroaren 2an izango da finala. Lehian, 6 taldek hartuko dute parte. 

Herriko zein inguruotako erremontistek hartuko dute aurtengo txapelketan parte. Agustin Lizarralde zinegotziaren hitzetan ez da "ilusioa galdu": "XIX. edizio honi ere ilusioz heldu diogu eta Udala bere aldetik kirol honi bere lekua ematen saiatuko da beti". 

Jose Mari Barrenetxea Oriamendi enpresako ordezkariak, bere aldetik, eskerrak eman nahi izan dizkio Udalri "erremonteari urtez urte ematen dion laguntzagatik". 

Sei bikotek hartuko dute parte: 

Urnietaren izenean: Ansa II eta Azpiroz

Matxinbentaren izenean: Matxin III eta Agirrezabala

Azpeitiaren izenean: Segurola eta Ion

Loiolaren izenean: Uterga eta Labaka

Urrestillaren izenean: Urtasun eta Aizpuru III

Azkoitiaren izenean: Juanenea eta Larrañaga

 

Bikoteak bi taldetan bananduko dituzte eta talde bakoitzean puntu gehien biltzen dituztenek jokatuko dute finala. 

Bihar, 18:30etan hasita Ansa-Azpiroz, Matxin III-Agirrezabalaren kontra arituko dira. Bigarren partiduan berriz, Urtasun-Aizpurua eta Juanenea-Larrañaga arituko dira. 

Partdu guztiak Izarraitz pilotalekuan izango dira, eta sarrera 2€koa izango da. Ikusleen artean, gainera bi afari zozkatuko dituzte. 

 

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information