Herriko ikastetxeak, Elkar-ekin, Caritas, janari bankua, arropa bankua eta Loiola Zentroak ere babestu dute ekimena eta horien bidez ere zabalduko da ekimenaren berri. Aberastasun eta elkarbitza hori sendotzeko erreminta garrantzitsua dela iritzi diote eragile guztiek: "Aurreneko aldia da, eta badakigu horrek bertigoa sortu lezakeela, baina beldurrak uxatu eta animatzeko eskatzen dugu: bai anfitrioi bezala, zeure etxean, familiarekin, kodrilan sozidadean, edozein aukera delako ona. Bai bisitari bezala, beste kultura bat, jaki batzuk eta bereziki, familia eta bizipen berriak mahaiaren bueltan ezagutzeko balioko duelako", gaineratu du Elduaienek.

Bukatzeko, Elduaienek herriko eragile desberdinen lana aitortu eta txalotu nahi izan du: "Integrazioan eta elkarbizitzan sakontzeko ekintza puntual bat da, eremu zabalago batean kokatu beharko genukeena: bakoitzak, bere eremuan egiten duen lana txalotu eta eskertu nahi dugu, bai norbanakoak eta baita goian aipatutako eragileek ere. Indarrak batu eta denon artean herri bezala jatorri ezberdinen artekoen elkarbizitza, kultura aberastasuna eta indartzeko lanean jarraitzeko konpromisoa hartu dugu". 

Zer da Bizilagunak ekimena?

Bertako familia eta pertsonak, atzerritik etorritakoekin, bazkari batean bildu nahi dituen egitasmoa da. Azaroaren 11n, ordu biak inguru, bazkari bakoitzean, bertako familia bat, familia etorkin bat eta dinamizatzaile bat bilduko dira bi familietako baten etxean. Familia kontzeptua, modu zabalean ulertuta, noski: ama bakarrak; emakumez, gizonez edo emakume eta gizonez osatutako bikoteak, seme-alabekin edo gabe; pisukideak; bakarrik bizi diren pertsonak, amamak beraien ilobekin; lagun taldeak…

Bertakoa edo kanpotik etorritakoa izanik, hemen bizi bazara familia, bikote, pisukide edo lagunekin, eta zure herri edo hiriko jende berria ezagutu nahi baduzu, animatu eta parte hartu.

Bizilagunak zertarako eta zergatik?
Asko gara kultura ezberdinetako pertsonak ezagutzeko gogoak ditugunok, baina askotan, aukerak topatzea zaila egiten zaigu. Elkar ezagutzeko aukerak eskaini nahi ditugulako, gonbidapen hau luzatzen dizuegu kultura ezberdinen arteko pertsonen artean murgiltzeko eta elkarbizitza sustatzeko.

Nola eta nork hartu dezake parte programan?

Urriaren 29ra arte eman dezakete izena ekimenean parte hartu nahi dutenek.
Dei ezazu 943 157192 telefonora edo izena eman korreo honetan: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
Familia bezala. Edozein familiak hartu dezake parte.

Dinamizatzaile bezala:
Pertsona honek aldez aurretik ezagutuko ditu bere ardurapean elkarrekin bazkalduko duten bi sendiak. Haien bitartekaria izango da. Bazkariaren egunean, gonbidatuak gonbidatzaileen etxera lagunduko ditu eta bertan, aurkezpenak egingo ditu, giroa goxatuko du … eta denek bazkalduko dute.

Dinamizatzailea izateko ikastaro bat egin behar da. Formakuntza hau gehienbat, unibertsitatetik parte hartuko duten dinamizatzaileentzako izango da eta kreditu 1 irabazteko izango da. Formakuntza era honetan egingo da.

- Urriak 26 osteguna, Hernaniko Biteri Kultur Etxean. Arratsaldeko 19:00etatik 21:00etara.

- Urriak 27 larunbata, Gipuzkoako SOS Arrazakeriako bulegoan. Goizeko 10:00etatik 12:etara