Azterketa test formatuko 50 galderek osatuko dute, eta euskaraz zein gazteleraz egiteko aukera izan dute.
Kalitatezko enplegua kontsolidatzeko konpromisoa
Azpeitiko Udalak urtarrileko plenoan onartu zuen zazpi lanpostu lehiaketa publikora atera eta behin betiko izaeraz betetzeko Lan Eskaintza publikoa, kalitatezko enplegua sortu eta kontsolidatzearekin duen konpromisoa eta borondatea oinarri hartuta. "Udalak, legeak ezarritako mugak eta tasak errespetatuz, ahal bezain beste lanpostu publiko egonkor sortzeko konpromiso osoa du. Modu transparente eta gardenean bete nahi ditugu lanpostu publikoak, eta herritar orok lanpostu horiek betetzeko aukera izan dezaten sortu ditugu lanpostu publikoak", adierazi zuen Estitxu Elduaienek. Bide horretan, bide bat ireki nahi dute langile publikoen egonkortasuna bermatzen joateko pixkanaka.
Azpeitiko Udalak, azken aldiz 2005ean onartu zuen Lan Eskaintza Publikoa eta orduan hiru administrari postu bete ziren behin betikoz. 2011tik Estatuko Legeek lanpostu berriak behin betiko izaeraz sortzea eragotzi du: "Bi jubilazioren ordez lanpostu bat ateratzeko aukera dago, eta azken aldian, Azpeitiko Udalean jubilazio dexente izan dira, eta horrek ahalbidetu du lanpostuak ateratzea. Legeak uzten duen bitartean, lanpostuak egonkortzearen alde” egiten du Udalak.
