Azpeitiko Udalak, Iraurgi Berritzenen bidez, uztaila eta abuzturako bisita gidatuak antolatu ditu Loiola Bailara, historia eta paisaia bazterrak izenburupean. Ondare kulturala, historia eta inguruko paisaia izango dira egitarau honen ardatza eta erabiltzaileei bizipen kultural bat eskaintzea dute helburu. Bisita guztiak euskaraz zein gaztelaniaz egiteko aukera egongo da. Asteburu bakoitzean bisita bera bi egunetan burutuko da, egun batean euskaraz eta hurrengoan gazteleraz.