wrapper

Larunbatean izango da Emakumeen Kontrako Indarkeriaren Aurkako Nazioarteko Eguna, eta Azpeitiko Udalak hainbat ekimen prestatu ditu herriko elkarte eta eragileekin elkarlanean. Larunbatean bertan izango da horietako lehena: 12:00etan, elkarretaratzea egingo da plazan, Denon Bizitzak Erdigunean plataformako kideek antolatuta. Ondoren, azaroaren 30eko greba feminista orokorrera atxikitzeko argazki erraldoia aterako da.


Azaroaren 29an, Deskolonialitatea, gorputz-lurraldea defendatzeko solasaldia izango da, Micaella Carbajal Hondurasko mugimendu feministako kidearen eskutik. Abortua despenalizatzearen aldeko plataformako kidea da Carbajal, eta, bere esperientziatik abiatuta, gorputzaren defentsaz hitz egingo du, gorputza lehen lurralde gisa hartuta. Bere kontakizunean, emakumeen aurkako indarkerien eta lurraldeen arpilatzearen arteko lotura azalduko du. Lumaltik Herritik elkartearekin elkarlanean antolatuko da hitzaldia.


Abenduaren 11an, berriz, Genero indarkeria adineko emakumeen kontra: ezkutuko errealitatea ezagutzen hitzaldia izango da. Pepa Bojó psikologo feministak eskainiko du. Urte luzez, indarkeria jasandako emakumeekin aritu da terapia lanetan, eta hainbat ahalduntze eskolatan eman izan du prestakuntza. Baigera elkartearekin elkarlanean antolatuko da saio hori.

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information