wrapper

Familia Txokoan jolasteko aukera egongo da Aste Santuan ere

Familia Txokoan jolasteko aukera egongo da Aste Santuan ere

Herriko haurrek toki estali eta goxo batean jolasteko aukera izan dezaten, Aste Santuan ere irekita egongo da kiroldegiko Familia Txokoa. Bihartik astelehenera, goizez bakarrik zabalduko dute: 11:00etatik 12:30era. Pazko astean, datorren asteartetik ostiralera, 11:00etatik 12:30era eta 17:00etatik 19:30era izango da ordutegia. Apirilaren 6an eta 7an (larunbata eta igandea), eguerdian ez dute itxiko, eta 11:00etatik 19:30era egongo da zabalik.

Gehiago irakurri
Aste Santuan irekita egongo da turismo bulegoa

Aste Santuan irekita egongo da turismo bulegoa

Aste Santuko egunetan Azpeitia ezagutzera etortzen diren bisitariei arreta eman ahal izateko, gaurtik datorren astelehenera arte irekita egongo da turismo bulegoa. Basazabalen dago bulegoa, eta honako ordutegia izango du: gaurtik asteazkenera, 10:00etatik 14:00etara; ostegunetik astelehenera, 11:00etatik 14:00etara eta 16:00etatik 19:00etara.

Gehiago irakurri
Hauteskunde mahaietako kideak aukeratzeko zozketaren emaitzak, kontsultagai

Hauteskunde mahaietako kideak aukeratzeko zozketaren emaitzak, kontsultagai

Eusko Legebiltzarrerako hauteskundeak izango dira apirilaren 21ean. Azpeitiko Udalak ezohiko udalbatzarra egin du gaur goizean, mahaietan egon beharko duten herritarrak aukeratzeko zozketa egiteko. Herritarrek dagoeneko kontsulta dezakete mahaian egotea tokatu zaien edo ez. Horretarako, azpeitia.udalak.eus gunera jo behar dute, eta, bertan, dagokion lekuan, nortasun agiriaren zenbakia idatzi.

Gehiago irakurri
Hainbat mozketa, film baten grabaketagatik

Hainbat mozketa, film baten grabaketagatik

Burdinbideari buruzko Muga filma grabatzen arituko dira bihar Azpeitian, eta lan horiek eragina izango dute trafikoan. Urola kalean, 01:00etik 05:00etara, bost minutuka utziko zaie pasatzen ibilgailuei, eta hainbat aparkaleku kendu egingo dituzte. Argindarra ere moztu egingo dute ordutegi horretan. GI-361 errepidean ere bost minutuko etenak egingo dituzte trafikoan, AVIA gasolindegitik Burdinbidearen Euskal Museoaren parera arte.

Gehiago irakurri
HAZeko izapide elektronikoak egiteko ekipoa igerilekuan egongo da bihartik aurrera

HAZeko izapide elektronikoak egiteko ekipoa igerilekuan egongo da bihartik aurrera

Ordainagiriak edo isunak ordaintzeko, errolda agiria ateratzeko, idatziei sarbidea emateko eta beste hainbat tramite egiteko aukera ematen du herritarren arreta zerbitzuko izapideak egiteko ekipoak. Udaletxeko lehen solairuan egon da orain arte, baina igerilekuan jarriko dute bihartik aurrera. Udaletxeak baino ordutegi zabalagoa du igerilekuak eta jaiegunetan ere irekita egoten da. Gailua tokiz aldatuta, tramite horiek egiteko erraztasun gehiago eman nahi zaizkie herritarrei.

Gehiago irakurri
Aniztasun Festa, Kilometroekin elkarlanean

Aniztasun Festa, Kilometroekin elkarlanean

Urtero bezala, Aniztasun Festa antolatuko du Azpeitiko Udalak. Aurten, ordea, berezitasun batekin dator; izan ere, Kilometroen lantaldearekin elkarlanean antolatuko da festa. Apirilaren 27rako, egun osoko egitarau zabala ari dira prestatzen, euskara zein aniztasuna ardatz hartuta.

Gehiago irakurri
Apirilaren 18an amaituko da 2024ko sorkuntza beketara proiektuak aurkezteko epea

Apirilaren 18an amaituko da 2024ko sorkuntza beketara proiektuak aurkezteko epea

Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu kultur sorkuntzaren modalitatera eta 8.000 euro kultur sorkuntzako egonaldien modalitatera (4.000 euroko bi beka).

Gehiago irakurri
Hauteskunde mahaietarako zozketa, datorren astelehenean

Hauteskunde mahaietarako zozketa, datorren astelehenean

Apirilaren 21ean Eusko Legebiltzarrerako hauteskundeak izango dira. Hauteskunde mahaietarako karguen zozketa martxoaren 25ean egingo du Azpeitiko Udalak, 09:00etan, ezohiko udalbatzarrean.

Gehiago irakurri
Ikasleak prest Korrika Txikirako

Ikasleak prest Korrika Txikirako

Gero eta gutxiago falta da 23. Korrika Azpeitira iristeko. Asteazken goizaldean sartuko da euskararen aldeko ekimena herriko kaleetan, 04:30 inguruan. Aurrez, bihar arratsaldean, Korrika Txikian parte hartuko dute herriko ikasleek.

Gehiago irakurri
Azpeitiko Udal Liburutegiak egitarau berezia prestatu du 60. urteurrena ospatzeko

Azpeitiko Udal Liburutegiak egitarau berezia prestatu du 60. urteurrena ospatzeko

60 urte bete dira Azpeitiko Udal Liburutegiak ateak zabaldu zituenetik. Hain zuzen ere, 1964ko apirilaren 5ean egin zuten inaugurazioa, eta hurrengo egunean hasi zen herritarrei zerbitzua ematen. Hasieran, Iturritxikin egon zen, eta 1989. urtetik Enparan Dorretxean du egoitza.

Gehiago irakurri