Euskarak #Klika eta Korrika egin du gaur Azpeitian
- 12/04/2019
Apirilaren 4tik 14ra bitartean AEk-k antolatutako Korrika egitasmoa Euskal Herria zeharkatzen ari da. Euskararen mezua, testigua, eskuz esku doa Garestik Gasteizera, eta gaur goizean izan da Azpeitian. Bi urtean behingo zita izan da gaurkoan, eta Azpeitiko Udalak, ohi bezala, euskarari eta AEKri bere babesa adierazteko Korrikako hiru kilometro erosi ditu. Lehen kilometroa Hazparnen (Azpeitia eta Hazparne senidetuta daude duela 30 urte baino gehiagotik) egin zuten Aitor Bereziartua eta Estitxu Elduaien zinegotziek, beste hainbat lagunekin batera. Gaur, Azpeitian, Eneko Etxeberria alkateak eman du 1.958 kilometroan testigua eta Udal euskaltegiko ikasleen eskuetan joan da 1.969. kilometroan.