"Auzoa zaharkituta zegoen, eta eraberritzeko beharra zuen, Denon Artean prozesuen baitan, bertako bizilagunekin elkarlanean adostu genuen proeiktua eta obra gauzatu da dagoeneko", adierazi du Aitor Bereziartua hirigintza zinegotziak. Auzotarrak ere “gustura” agertu dira: “Udalarekin adostu bezala egin dira obrak, eta auzoa berrituta geratu da”, adierazi dute.
Lanak lehiaketa publiko bidez esleitu ostean, Art eraikuntza enpresak egin ditu obrak. Urbanizazioa berritzeaz gain, azpiegiturak (ura, estoldura, gasa, telefonia...) legedira egokituko dira. Lanek 394.139,66€ aurrekontua izan dute.