2015-2016 EtorkiZun egitasmoa 87 haur eta gazte etorkinerekin hasi da

EtorkiZUn egitasmoa haur eta gazte etorkinei euskara-errefortzua emateko helburuarekin sortu zen 2006 urtean. Dagoeneko 10 urte igaro dira eta guztira, 874 ikasle igaro dira bertatik. Aurtengo ikasturtean ere egitasmoa abian jarri da, 87 ikaslerekin. "Etorkinen gizarte eta hizkuntza integraziorako egitasmoa da. Azpeitiarrok nagusiki euskaraz bizi gara, euskara harremanetarako tresna ez ezik koesio sozialerako instrumentua ere badenez, ezinbestekoa zaigu etorkinei euskaraz ikasteko baliabideak ematen jarraitzea", agertu du Hezkuntza baotzordeburu den Leire Goenagak.

Hezkuntza sailak 8 ikastaro eskainiko ditu ikasturte berrian

Azpeitiko Udal Hezkuntza sailak ikasturte berrirako ikastaro eskaintza berria prestu du. Guztira 8 ikastaro eta tailer dira aukeran jarriko direnak; Marrazki artistikoa eta margolanak, Eskulanak, Puntua, Ebaketa eta jantzigintza, Gitarra, Umetxo bat dugu gure bizitzan, Haurdunaldirako ikastaroa eta Arabea. Izena emateko epea irekita dago jada, eta horretarako, interesatuek ikastaro bakoitzeko arduradunarekin jarri behar dute harremanetan. Ikastaro eta tailerrak honako hauek dira;

Larunbat honetatik hasita, Loiolako liburutegia maiatza eta ekaineko asteburutan zabalik izango da

Larunbat honetan hasita, Loiolako Santutegiko liburutegia ikasleentzat zabalduko da asteburuetan Azpeitiko Udalak eta Loiolako Erretoretzak lortutako akordioari esker. Modu honetan, eskualdeko ikasleek maiatzean eta ekainean liburutegia erabili ahal izango dute azterketak prestatzeko. Liburutegia irekita egongo den asteburuak honako hauek dira: maiatzak 9-10; 16-17; 23-24; 30-31 eta ekainak 6-7; 13-14; 20-21; 27-28 eta ordutegia berriz, 09:00etatik 13:00etara eta 15:30etik 19:00etara bitartean izango da. Loiolako arduradunek aurreratu dutenez, oso garrantzitsua da liburutegira sartu ahal izateko karneta eduki eta sarreran zenbakia idaztea. Gainera, ikasgelak ikasleentzat bakarrik egongo dira zabalik, hau dela-eta, ikerketak edota liburu eskaerak egin nahi dituztenek, astelehenetik ostiralera joan daitezke.

Orientazioa eta formazio-laborala egokitasunez bildu eta erakusteko webgunea

Orain dela ia urtebete herriko egoera laborala zela eta Azpeitiko Udal Hezkuntza sailak lana eta formazioari buruz zerbait egin beharra ikusi zuen. Azpeitiko hainbat eragileekin landu da ideia eta hauei (Bozi, Iraurgi Berritzen, Lanbide, Orientazio zerbitzua eta enplegu zentroa, Urola Ikastola...) errekonozitu egiten zitzaien azken urteetan eskualdeko informazioa, orientazioa eta formazio-laborala ahalik eta era hoberenean eskaintzeko hainbat ekimen, baina orain beste aurre pauso bat ematea nahi zela azaldu zitzaien, elkarlanean oinarritutako urratsa. Urola Erdian, arlo honetan lanean ari diren instituzio eta eragile denen artean.

Horrela hainbat eragile bildurik, asmo berria azaldu zitzaien: eskualdeko informazioa, orientazioa eta formazio laborala modu argi eta erraz batean emateko era bilatu nahi zela, horrela zera planteatuz: sarean web bizi bat suspertzea, eskualdeko eragile denen ekarpenekin.

Hazparneko Elhuyar eta Urola Ikastolakoak bisitan izan ditugu udaletxean

Hazparneko (Lapurdi) Elhuyar ikastetxeko ikasleak Azpeitian daude egunotan, Urola Ikastolako ikasleekin. Horregatik, egun hauetan gure herria eta inguruak ezagutzen ari dira eta gaur, osteguna, udaletxean izan dira. Eneko Etxeberria lkatea eta Manuel Unanue eta Mari Jose Iturria zinegotziek harrera egin diete areto nagusian. Etxeberria alkateak bisita eskertzeaz gain, Azpeitiko informazioa eman die. Hazparne eta Azpeitiko herriek 1983an hasi zituzten senidetzeko asmoarekin harremanak, Imanol Elias alkate zela. Handik hiru urtera, 1986an, eman zituen fruituak ahalegin hark: 1986an sinatu zen bi herrien arteko senidetze akordioa.