
- 2023/09/30
Iturri berria, Azpeitia eta Urrestilla arteko bidegorrian
Herritarrek egindako eskaerei erantzunez, Azpeitiko Udalak iturria jarri du Azpeititik Urrestillara arteko bidegorrian, zubiaren inguruan. 2020an inauguratu zenetik, hainbat berrikuntza egin dira azpiegitura hobetzeko, herritarren beharrak kontuan hartuta.
Gehiago irakurri
- 2023/09/29
Abian da anbulatorio ondoko zubiaren irisgarritasuna hobetzeko proiektuaren lizitazioa
Bi fasetan banatu zuen Azpeitiko udalak anbulatorio ondoko zubiaren irisgarritasuna hobetzeko proiektua. Lehen faseko obrak 2020an egin ziren, eta bigarreneko lanak lizitatuko ditu orain. Interesa dutenek urriaren 16ra arteko epea izango dute eskaintzak aurkezteko.
Gehiago irakurri
- 2023/09/29
Asteartean, urriak 3, urriko ohiko plenoa egingo da
Datorren asteartean, hilak 3, urriko ohiko plenoa egingo da; 19:00etan hasita, udaletxeko pleno aretoan. Besteak beste, 2024ko ordenantza fiskalak izango dituzte hizketagai udal ordezkariek.
Gehiago irakurri
- 2023/09/28
Matazak, Azpeitiko emakumeei buruzko memoria ariketa, ibilbide batean jasoa
Gaurkoan, memoria ariketa baten emaitza aurkeztu du Azpeitiko Udalak: Matazak proiektua. Urte luzez mamitu eta ondutako lana izan da, emakumeen memoria kolektiboa jasotzera eta zabaltzera datorren ariketa. Nagore Alkorta alkateak eta Leire Goenaga alkateordeak azaldu dutenez, “bigarren maila batean” geratu izan da emakumeek gizartean, ekonomian, politikan nahiz beste arlo askotan egindako ekarpena. “Bide luzea dago egiteko emakumeen oroimen historikoaren bueltan, eta, bide horretan, urrats bat gehiago egin nahi izan du Azpeitiko Udalak”, adierazi dute. Aurkezpenean izan dira Malen Aldalur Parekidetasun teknikaria eta Ione de la Cruz Emakume Txokoko dinamizatzailea ere.

- 2023/09/28
Noka praktikatzeko aukera
Gizonen arteko elkarrizketetan, hika aritzea da ohikoena Azpeitian. Ez da gauza bera gertatzen, ordea, emakumeen arteko solasaldietan edo emakumeen eta gizonen artekoetan. Izan ere, tokaren aldean erabilera txikia du nokak.
Horren harira, nokaren ezagutza eta erabilera sustatzeko beharra ikusi du Udaleko Euskara Mahaiak. Premia horretatik abiatuta, HIKAstaroa antolatu dute elkarlanean Udal Euskaltegiak eta Azpeitiko Emakumeen Txokoak. Noka aldaera ikasi edo praktikatu nahi duten guztiei dago zuzendua, emakume zein gizonei.
Gehiago irakurri
- 2023/09/28
Larunbat arratsaldean emakume skaterren erakustaldi irekia izango da
Argazki lehiaketa izango da arratsaldeko beste ekitaldietako bat; argazki kamera edo mugikorra erabili ahal izango dira argazkiak ateratzeko; han bertan azalduko dute zein izango diren arauak.
Gehiago irakurri