wrapper

Oharrak

Albiste Nabarmenduak

Nagore Alkorta:
Pandemia hasi zenetik daturik txarrenaizan da gaurkoan Azpeitian. 13 positibo izan dira eta Alde Zaharrean fokua dagoela adierazi du Osasun Sailak. Birusaren zabalpenari aurre egiteko neurriak hartu ditu gaur bertan Udalak: "Egoera konplikatuaren
Azpeitia bizi: euskara, euskal kultura eta herriko proiektuak barrutik ezagutzeko aukera
Kultur eta lehen sektoreari lotutako bisita gidatuak egingo dira abuztuan, ohiko ondare historikoa ezagutzeko bisitekin batera. Eredu propioa duten herriko proiektuak bertatik bertara ezagutu eta bizitzeko aukera eskainiko zaie bisitariei. Uda
Udalak eta tabernarien elkarteak ordutegia murriztea adostu dute eta  ardura eskatu diete
Uztailaren 24, 25, 30 eta 31n eta abuztuaren 1ean taberna, jatetxe eta soziedadeak 00:00etan itxiko dira. Ostalariek eta udal ordezkariek herritarrei ezarritako irizpideak bete eta erantzunkizunez jokatzeko eskatu die. Uztailaren hasieran eman

parteahartzea90px

etxebitzenzozketa2

Covid-19 kasu positibo bat detektatu da herrian gaur. Isolatuta dago eta Osasun Saila ingurua aztertzen eta probak egiten ari da. Nagore Alkorta alkateak “ardura eta lasaitasuna” eskatu die herritarrei: “Gaixotasuna gertu dugu eta ardura eskatzen diegu herritarrei. Udala hasi da hainbat neurri hartzen; bakoitzari geure arduratik eragitea dagokigu gaixotasuna zabaldu ez dadin”. Prebentzio neurriak hartzearen garrantzia ere azpimarratu du.

 

Covid-19a dela eta probak egiten dira egunero anbulatorio ondoan jarrita dagoen karpan. Proba horiei lotuta positibo bat izan da herrian. Hori dela eta, protokolo zorrotza ezarri da bere inguruan eta herritar hori isolatuta dago eta bere inguruan gaixotasunaren jarraipena egiten ari dira Zumarragako ospitaletik.

“Gaurko datuen arabera, azken aste askoren ostean kasu positibo bat dugu herrian. Horrek erakusten digu tentuz jokatu behar dugula. Norbera zainduz herritarrak zaintzea dagokigu guztioi, eta herritarrei prebentzio neurriak ondo hartzeko eskatu nahi dizuet”, adierazi du. Gertuko herrietan dira Covid-19aren hainbat foku; Zarautz, Tolosa, Getaria… eta herritarron mugikortasunak Covid-19aren hedapena zabaltzea ekarri du: “Fokuak edonon gerta daitezke, eta horrek eragin zuzena izan dezake gure herrian. Denon esku dago azpeitiar guztion osasuna”, gaineratu du.

250 probatik gora aste honetan
Azken egunotan, ohi baino test gehiago egin dira Zarauzko kanpineko eta Zarauzko gazte festetako fokuei eta Getariako fokuari lotuta; gaur arte 250 bat proba egin dira aste honetan.

Udaletik, neurri gehiago
Gaixotasunaren bilakaerarekin eta prebentzio neurriak hainbat momentutan ez direla errespetatzen ikusita, Azpeitiko Udalak hainbat bilera egin ditu herriko tabernari eta jatetxeetako arduradunekin aste honetan. “Bakoitzari gure arduratik neurriak hartzea dagokigu. Egoera okertzen ari dela ikusita Udala ari da neurriak hartzen eta aurrera begira ere egoerak eskatzen duen heinean hartzen jarraituko du”, zehaztu du. Bide horretan, hainbat neurri berri ere zehaztu dira. Hala, tabernetako eta jatetxeetako aforoak betetzeko neurriak zehaztu dituzte eta jan-edana taberna barruan edo terrazan soilik egin daiteke. Horretaz gain, jende pilaketarik ez egiteko eta herritarrek prebentzio neurriak betetzen dituztela ziurtatzeko udaltzaingoa indartu da.

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information