Urola erdian bizi diren eskola adineko ikasleen %6ak aniztasun funtzional ziurtatu bat du. Prestatuta al gaude ikasle horien jarduera fisiko eta kirol bizitza sustatzeko? Gure egiturak prestatuta al ditugu kirol inklusibo eta egokitua egiteko?
Orain arteko erantzuna ez da. Baina, hurrengo 2021-2022 ikasturteari begira, erantzuna baiezkoa izatekoelkarlanean ari dira hainbat erakunde eta elkarte. Azpeitiko Udala eta Azkoitikoa, Marea Urdna, Gipuzkoako Foru Aldundia, Gipuzkoako Kirol Egokituko Federazioa, besteak beste.
Lan kolaboratibo dinamika bat abiarazi da, datorren 2021-22 ikasturtean, eskualdean, gutxieneko kirol egokitu eskaintza bat osatu ahal izateko.
Bide horretan, eta Azpeitiko errealitatea ahalik eta eraginkorren ezagutzeko asmoz, 6-21 urte bitarteko aniztasun funtzionala duten ikasleen familiei zuzenduta, herrian topaketa egingo da. Horrekin, egungo beharrak ezagutu nahi dira, datorren ikasturtean sortu beharreko eskaintzak ahalik eta egokitu eta zehatzenak izan daitezen:
AZPEITIKO HITZORDUA
• EGUNA: maiatzaren 14an (ostirala).
• TOKIA/ORDUA: Igerilekuko azken solairuan ( 17:30 – 19:00).
Topaketa horren dinamizazioa Gipuzkoako Kirol Egokituen Federazioak gauzatuko du. Bertan, gauza bi egingo dira: Batetik, familiekin elkartu haien premiak entzun eta jasotzeko. Eta bestetik, ume eta gazte horien gaitasun eta trebeziak ezagutzeko jolas dinamika batzuk garatuko dira.
COVID-19 neurriak betetzeko, eta bereziki, topaketen barne antolaketarako ezinbesteko izango da izen ematea. Izen emateko edo topaketaren inguruko informazio gehiago nahi duenak Kirol Egokituen Federazioarekin jarri beharko du harremanetan.
Telefonoa: 943.462.514 (09:00etatik 14:00etara, astelehenettik ostiralera)
Posta elektronikoa: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
