2023ko aurrekontuak osatzerako garaian garrantzitsuetan garrantzitsua izango da herritarren beharrak eta nahiak identifikatzea. Izan ere, bizi mailaren, energiaren zein materialen garestitzeak aurrekontuak baldintzatuko dituzte. Horren jakitun, zenbat eta hobeto ezagutu herritarren beharrak orduan eta aurrekontu egokiagoak osatuko ditu udalak.
Auzoetako bilerak egingo dira lehen fasean. Datorren astean, urriaren 3an, Lasaoko auzo lokalean elkartuko dira udal ordezkariak auzotarrekin; urriaren 6an, Aratz-errekako tabernan, urriarriaren 10ean, Urrestillako auzo lokalean; urriaren 13an, Elosiagako auzotarrekin bilduko dira Añotan eta urriaren 17an, Nuarbeko Sokatira museoan izango dira. Bilera guztiak 19:00etan izango dira.
Bigarren fasean, urriaren erditik aurrera, azpeitiar orok izango du ekarpenak egiteko aukera. Horretarako azken urteotan bezala, herriko txoko desberdinetan postontziak jarriko dira ekarpenak jasotzeko, eta online ekarpenak eta iritziak jasotzeko aukera ere jarriko da. Horren inguruko informazio zehatzagoa aurrerago eskainiko du udalak.
