Udalak ozen adierazi nahi du herri honek ez duela inolako indarkeria matxistarik onartzen, eta azpimarratu nahi du espazio publikoa eta herriko jai-guneak espazio seguru, gozagarri eta askeak izan behar dutela. Indarkeria sexistak modu eta forma anitz ditu eta arazo estrukturala da, horregatik, herriko esparru eta gune ezberdinetan lanean jarraitu behar dugu indarkeria zantzurik txikiena errotik desagerrarazi arte.
Azpeitiko Udalak lanean jarraituko du berdintasunaren oinarriak auzitan jartzen dituen arazo sozial larri honi irtenbidea bilatu beharra daukagulako denon artean. Eraso oro gaitzestea, indarkeriari aurre egiten dioten emakumeei babesa ematea, prebentzio eta sentsibilizazio lanean jarraitzea eta baliabideak bideratzea.
Horregatik, gogorarazi nahi dugu herritar ororen ardura dela indarkeria matxistari aurre egin eta konplize ez izatea.
Horrelako egoeraren bat jasaten baduzu edo norbait ezagutzen baduzu, honako udal baliabideetara jo dezakezuela gogorarazi nahi dugu:
• Gizarte Zerbitzuak: 943157192
• Udaltzaingoa: 092
• Parekidetasuna: 943157928
• Emakumeen Txokoa: 688751000
• Azpeitiko Anbulategia: 943025400
• Larrialdiak: 112