Azpeitian, 2013ko urriaren 1ean, Udaletxeko bilkura-areto nagusian elkartu da Udalbatza Osoa lehenengo deialdian eta ohizko bilkuran, aztergai-zarrendako gaiak eztabaidatu eta erabakitzeko. Eneko Etxeberria Bereziartua alkate-udalburua buru dela, eta Udalbatza osatzen duten zinegotzi denak bertan direla, bat ezik.
Honako akordioak hartu dira:
1.- Udalbatza Osoak 2013ko uztailaren 2an egindako bilkuraren akta onartzea.
2.- Juana Jauregi Zendoia zinegotziaren errenuntzia onartzea.
3.- Azpeitia 2025 Plan Estrategikoa onartzea.
4.- 2013ko aurrekontuan 4. kreditu aldaketa onartzea.
5.- Azpeitiko herrirako zarata mapa egingo dela kontu ematea.
6.- Kultur arloko diru-laguntzen oinarri arautzaileak onartzea.
7.- Festa arloko diru-laguntzen oinarri arautzaileak onartzea.
8.- Euskara suspertzeko diru-laguntzak arautzeko hitzarmenak.
9.- Gizarte bazterkeriako eta behar larriko egoerei aurre egiteko diru-laguntza oinarrien baitan, zehaztu diren herriko ikastegi/erakundeetan ikastaroak egiteko diru-laguntzak emateko erizpideak.
10.- 2014. urterako langileen jaiegunen egutegian Azpeitiko jai egunen berri ematea.
11.- 2013ko urtarrilean, otsailean eta martxoan emandako ebazpenen berri ematea.
12.- Eneko Ibarguren azpeitiarraren atxiloketaren aurrean Bildu taldearen mozioa.