UDALBATZA OSOAK 2020KO OTSAILAREN 4AN HARTUTAKO ERABAKIEN LABURPENA.
Azpeitian, 2020ko otsailaren 4an, Udaletxeko bilkura-areto nagusian elkartu da Udalbatza Osoa lehenengo deialdian eta ohizkan bilkuran, aztergai-zerrendako gaiak eztabaidatu eta erabakitzeko. Nagore Alkorta Elorza alkatea buru dela, eta Udalbatza Osoa osatzen duten zinegotzi denak bertan direla.
Honako akordioak hartu dira:
1.- 2020ko urtarrilaren 14an egindako bilkuraren akta onartu da.
2.- Azpeitiko Udalaren eta bere erakunde autonomiadunen eta Azpeitia Berritzen S.A.ren langileei ezarri beharreko ordainsarien igoera onartu da.
3.- Euskal Autonomia Erkidegoaren eta udalaren arteko lankidetzarako administrazio hitzarmena onartu da, droga toxikoak, sorgorgarriak eta substantzia psikotropikoak legez kanpo edukitzearekin eta bide publikoan kontsumitzearekin lotutako arau-haustea administratiboei buruzkoa.
4.- Aranzadi Zientzia Elkarteari dirulaguntza zuzena onartu da “Giza eskubideen urraketak Azpeitian eta azpeitiarren aurka, ikerketa eta zabalpena” egitasmoa modu gaurkotu eta diziplina anitzeko batean bultzatzeko.
5.- Alkatetzak 2019ko azaroan emandako ebazpenen berri eman da.
6.- San Martin egoitzako langileak proposatutako mozioa onartu da.
7.- Ez dago galdera edota erregurik.
Azpeitia, 2020ko otsailaren 27a
UDALAREN IDAZKARIA,
Olatz Eizaguirre Orbegozo