wrapper

kirola sub

Astelehenean indartuta hasiera emango zaio Azpeitibili egitasmoari

azpeitibili

Datorren astelehenean egongo zaio hasiera Azpeitibili, osasun ibilbideen ikasturteari. Azpeitiko Udalak eremu guztietako herritarren artean ariketa fisikoa sustatzeko ahaleginean segitzen du, eta ibilbideen programa honi jarraipena eman eta berrikuntzen bidez herritar gehiagok parte hartzea lortu nahi da. Horrela, adineko azpeitiarrak bizimodu aktibo eta osasuntsua izatera bultzatu nahi dira.
Aurten, ekimenean parte hartu nahi dutenek ez dute izenik eman beharko, eta debaldeko zerbitzua da. Nahikoa izango da ibilibidea proposatutako egunean eta orduan sanagustinpera, udaletxe azpira azaltzea, urriaren 20an Ekainberriko Kobaluzotik Zestoara egingo denean izena eman beharko da (Gizarte Zerbitzuetan edo 943 15 00 95). Astelehenetan (11:00etatik 12:15etara) eta ostegun goizetan (10:00etatik 11:30etara) egingo dira, eta aurreko urteetan bezala, ibilbideak gidatuko dituen pertsona bat egongo da.

Gehiago irakurri

Dagoeneko eman daiteke izena emakumeak taldean korrika egiteko saioetan

Ikasturte berriarekin asmo eta erronka berriak jartzea ohikoa dugun honetan, herriko emakumeek taldean korrika egiteko aukera ireki dela jakinarazi nahi da.
Gaitasun maila guztiei zuzenduta dago, eta taldekideek banakako jarraipena izango dute monitore batek izango baitu saioak gidatzeko ardura.
Taldea honako egunetan elkartuko da: astelehen eta asteazkenetan 19:15-20:30
Tokia: igerilekuan
Prezioa

Bazkideak 25€
Ez bazkideak 35€
Hasiera: urriak 3

Gutxieneko pertsona kopurua behar denez, irailak 26ra arte egongo da izena emateko aukera, igerilekuan.
Edozein zalantza edota informazio gehiago nahi dutenentzat: 943-15 00 95/ Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..
Osasuntsu mantendu nahi baduzu, estresa askatu, lagun artean ondo pasatzea, eta zergatik ez, lasterketetan parte hartu.. animatu!.

Gehiago irakurri

Kirol patronatuko kirol jarduera eskaintza berritua

igerilekua

Azpeitiarrek kirola egiteko aukerak zabaltzen jarraitzen du Udalak, herritarrei ahalik eta eskaintza zabalena eta onena egiteko lanean segitzen du: "Herritarrak kirola egitera bultzatu nahi ditugu, kirolak sustatzen dituen baloreetan sinesten dugulako. Eta ikasturte berriaren hasieran ere, kirol eskaintza erakargarria eskaintzera gatoz", adierazi du Estitxu Elduaien Kiroletako Batzordeburuak.


Kirol Patronatuko denboraldi berria urriaren 3an jarriko da abian eta ikasturtea, berrikuntza ugarirekin iritsiko da, izan ere, iaz abian jarritako azken aldian modan dauden ikastaroekin jarraituko bada ere, beste hainbat berrikuntza ere eskainiko dira. Hala, nahi duenak multikirola (astean hiru kirol mota egiteko aukera) egiteko aukeraz gain, Capoeira eta emakumeentzako korrika saio gidatuak ere izango dira.

Gehiago irakurri

Igandean itxiko da kanpoko igerilekua

igerilekua

Kanpoko igerilekuaren denboraldia igandean bukatuko da. Denboraldiari hasiera ematerakoan Kirol Patronatuak jakinarazi zuten, eguraldi iragarpenaren arabera, astebete gehiago irekita mantentzeko aukera aztertuko zela. Kirol Patronatua aukera aztertzen aritu da, azken egunotan, eta eguraldi iragarpenaren ziurgabetasunaren ondorioz, ez luzatzea erabaki du.

Izan ere, kontsultatutako hiru eguraldi iragarpenen arabera, datorren astean eguraldi aldakorra izango da. "Inguruko herrietako instalazioetako arduradunekin ere hitz egin da erabakia hartu aurretik, eta haiek ere denboraldia ez dutela luzatuko jakinarazi digute", adierazi du Estitxu Elduaien Kirol Batzordeburuak.

Erabakia hartzerako orduan igerilekuak sartzen dituen kostuak ere kontuan izan dira. Denboraldia astebetez luzatzea 6.500 euro kostatzen da, eta "eguraldia ziur eduki gabe gastu hori ez egitea egokiena" dela iruditzen zaiela adierazi du Estitxu Elduaien zinegotziak.

Beraz, aurreikusi bezala, irailaren 11an izango da kanpoko igerilekua zabalduko den azkeneko eguna.

Gehiago irakurri

Xake taldeak eta Udalak hitzarmena sinatu dute

 

thumbnail DSC 0022

Azken urteotan indarra hartzen ari den Xake taldeak eta Azpeitiko Udalak hitzarmena sinatu berri dute. Xake Taldeko Iñaki Uranga eta Estitxu Elduaien zinegotziak sinatutako dokumentuan jasota gelditzen den bezala, hemendik aurrera xake taldeak Baigerako azken solairuko lokal eraberritua erabili ahal izango dute beren entrenamendu eta txapelketetarako.

Gehiago irakurri
2017 - Azpeitiko Udala.
ElkarMediak garaturiko webgunea