1.820 kilo hondakin gutxiago Urola eta Ibaieder ibaietan
2023/04/20
Apirilaren hasieran abiatu zuen Azpeitiko Udalak Urola eta Ibaieder ibaien garbiketa sakona eta dagoeneko bukatu ditu aurreikusitako lanak. Zehazki bi tarte garbitu dira; Urola ibaian Aldakaitzetik (Loiola) Basabe ingurura arteko 3,5 kilometroak eta Ibaiederren Azoka Plazatik Antxieta Txikira arteko 4,2 kilometroak. Guztira, beraz, zazpi kilometrotik gora ibai garbituko dira eta 1.820 kilo hondakin atera dira. Ibaiaren garbiketa eskuz egin da eta bildutako hondakinak Lapatx zabortegira eman dituzte, gaikako sailkapena egin ostean. Bilketa egiteko 16. 279€ko inbertsioa egingo du udalak.
Bildutako hondakin kiloak gaika banatu dira bilketa egin ostean eta kilo guzti horietatik 1.250 kg errefusa dira, 300 kg plastikoa, 250 txatarra, 20 kg egurra eta bi kilo gurpilak.
2020an hasi zen udala ibaiaren garbiketa sakonarekin, eta urtez urte eremu eta zati desberdinen garbiketa egiteko kontratazioa egin ohi du. Azpeitian garrantzia handia du Urola ibaian. Herria aldez alde zatitzen du, erdi-erditik. Presentzia nabarmena du, eta azken urteotan, ibaia eta bere ingurua balioan jarri eta babesteko lan-neurri ezberdinak hartu ditu udalak, tartean garbiketarena.