Itzulpen automatikoa / Machine translation

Alkatea

Nagore Alkorta, Azpeitiko alkatea

Kaixo, ongi etorri Azpeitiko Udalaren webgunera. Nagore Alkorta nauzue eta Azpeitiko alkatea izango naiz 2023-2027 agintaldian ere.

Honako webgune honetan udal kudeaketari buruzko informazioa kontsultatzeko eta erakunde publikoarekin egin beharreko hainbat administrazio-izapide aurki ditzakezu. Teknologia berrien garapenari esker, informazioaren eta ezagutzaren gizartean aurrera goaz, informazio gehiagoren, hurbilagoaren eta gardenagoaren mesedetan, hartara, Administrazioa herritarrari gehiago hurbiltzen laguntzeko. 

Webgune honetan eskaintzen den informazioa zuen interesekoa izatea espero dugu eta Azpeitiko Udalaren zenbait arlo ezagutzen lagunduko dizue. Era berean, praktikan ere lagungarri izan dakizueke, tramite, zerbitzu, udal ordenantza eta beste zenbait arlotako informazioa bilatu edo, zuzenean, aurrez aurrekorik gabe, egin beharrekoa elektronikoki egiteko. Informatzeko eta egiteko moduak aldatzen ari dira, baita erakunde publikoetan ere, eta herritarren beharrei ahalik eta ondoen erantzuteko adi gaude. Zuen zerbitzura.