670 haur eta gaztetxo ari dira aisialdiaz gozatzen udal udalekuetan

Pasa den astelehenean ekin zioten aurtengo udal udaleku irekiei herriko haur eta gaztetxoek. Hasierako egun hauetan hainbat ekintza egin dituzte, hala nola, jolasak, igerilekura joan, begirale ezkutua jolasean ibili... Aurtengoan 670 haurrek eta nerabek eman dute izena eta HH2tik Batxilergoko bigarren mailara arteko haur eta nerabeak lagun artean udaraz gozatzen dabiltza. Beren bidelagun 60 bat hezitzailez osatutako lan-taldea ari da lanean, begirale zein koordinatzaile, ekintzak dinamizatzen eta aisialdi hezitzailea sustatzen.

Ostiralean txikienek, Haur hezkuntzako haurrek, goiz berezia izan zuten. Izan ere, Tren museora joan ziren eta Urolako trenean ibiltzeko aukera izan dute. Oraindik ekintzaz betetako beste hiru aste dituzte aurretik.