90 urteko herritarrek Udalaren eta Baigeraren omenaldia jaso zuten atzo

Atzo, azaroak 24, ohiturari jarraituz Azpeitiko Udalak eta Baigera jubilatuen elkarteak aurten 90 urte betetzen dituzten herritarrak omendu zituzten. 2019. urtean 90 urte betetzen dituzten 41 herritar daude; hala ere, arrazoi ezberdinak tarteko, atzo egindako bazkarian horietako 14 izan ziren omenaldia jasotzen; 13 emakume eta gizon bat. Nagore Alkorta alkatea eta beste zenbait udal ordezkari bertan izan dira, herritarrak omentzen. 

Mari Carmen Epelde, Luisa Landa, Manuela Telleria, Ignacio Araneta, Benita Aizpuru, Patricia Orbegozo, M. Dolores Larrañaga, M. Arantzazu Galarraga, Martina Olaizola, Josefa Lazkano, Maria Gesalaga, Kontxita Azpiazu, M. Natividad Gil eta Sacramento Muñoz izan ziren atzo omenaldian izan ziren herritarrak.