Aldaketak, kirol instalazioetako ordutegietan

Urtero bezala, abuztuko lehen egunak erabiliko dituzte langileek sei kaleko igerilekuko eta igerileku txikiko beharrezko mantentze lanak egiteko. Ondorioz, abuztuaren 15era arte ez dira erabilgarri egongo instalazio horiek. Abuztuaren 15ean jaiegunetako ordutegia izango dute, eta, handik aurrera, abuztuko ordutegia. Igerilekuko gainontzeko zerbitzuak (gimnasioa eta sauna) irekita egongo dira abuztuan, ordutegi bereziekin.

• Abuztuko ordutegia igerilekuan
  

- Astelehenetik larunbatera: 9:00-14:00 eta 16:00-20:00

- Igande eta jai egunetan: 9:00-14:00

Era berean, kiroldegia ere itxita egongo da abuztuaren 15era bitartean. Handik aurrera, ohiko ordutegia izango du. Kanpoko igerilekua, berriz, aurreko urteetan baino denbora gehiagoan egongo da zabalik: irailaren 29a izango da azken eguna. Ordura arte, egunero egongo da irekita, 11:00tatik 20:00etara.