Apaiz etxea eraisten hasi dira etxebizitza babestuak eraikitzeko
2019/04/23
Pasa den astetik, Done Jakue kaleko 7 zenbakia botatzeko lanetan ari dira. Apaiz etxea bezala ezaguna den eraikina duela urtebete erosi zuen Udalak bertan udal babeseko lau etxebizitza eraikitzeko.
Done Jakueko zazpigarrenean dagoen apaiz etxea eraisteko lanak hasi ditu Azpeitiko Udalak. Joan den astean hasi aldamioak jarri eta barrutik husten hasi ziren eta hustu ostean bota egingo dute. Aurreikuspenen arabera, hilabete inguru beharko dute horretarako.
Lanek 51.883,44 (+BEZ) eurotako aurrekontua dute eta Ryde Obras y Servicios enpresa ari da eraiste lanetan. , eta lanek, BEZ gabe, 51.883,44 euroko aurrekontua dute.
Behin eraikina botata, ikerketa geoteknikoa egingo dute eta exekuzio proiektua idatziko du Udalak. Ondoren, etxebizitzak eraikitzeko lanak esleitzeko lehiaketa publikoa egingo da.