Apirilaren 19rako aurkeztu behar dira aurtengo Euskal Antzerki Topaketetarako proiektuak

Azpeitiko Udalak martxan du 42. Euskal Antzerki Topaketetarako proiektuak aurkezteko deialdia. Bi baldintza bete behar dira aurkeztu ahal izateko: Euskal Herriko taldea izatea eta antzezlana euskaraz egotea.

Aurkeztu behar den materiala:

• Obraren aurkezpena.
• Sinopsia, laburpena.
• Fitxa tekniko eta artistikoa.
• Material grafikoa.

Proiektuak modu elektronikoan aurkeztu behar dira esteka honen bidez: https://labur.eus/C9d9o Zalantzak argitzeko 943 157 068 telefono deitu edo kultura@azpeitia.eus helbidera idatzi behar da.

Azaroan izango dira Euskal Antzerki Topaketak, eta aukeratuek orduan izango dute beren lana taularatzeko aukera.