Artzai Txakur Txapelketa izango da larunbatean, Jesus Maria konbentuaren ondoko zelaian

Datorren larunbatean, uztailak 29, saninazio bezperetan, lehen aldiz, Ardi Txakur lehiaketa izango da Azpeitian. 18:00etan hasita, Olazko biribilgune ondoko zelaian jokatuko da II. Gipuzkoako Kanporaketa. Sai parte hartzaile izango dira: Xabier Gastañaga Sandy txakurrarekin, Gaizka Etxaniz Irarekin, Asier Dacosta Zerurekin, J. Antonio Arrillaga Txurirekin, Inaxio Etxeberria Missekin eta Juanjo Garate Tinarekin. Epaile lanetan izango dira Mikel Garate, Mikel Garaiar eta Javier Gastañaga. Artxate Elkarteak antolatu du Azpeitiko Udalaren laguntzaz eta herritarrek lehiaren nondik-norakoak ezagutzeko aukera izango dute.