Itzulpen automatikoa / Machine translation

Asfaltatze eta konponketa lanak egingo dira herriko hainbat puntutan

2020/09/30
Asfaltatze eta konponketa lanak egingo dira herriko hainbat puntutan

Azpeitiko Udala herriko puntu desberdinak asfaltatzen hasiko da bihar. Urtez urte, herrian kaltetuen dauden errepide zatiak asfaltatzen ditu. Bihar hasi eta hilabete inguru iraungo dute lanek, eta eguraldiaren arabera egokituko da egutegia. 


 Bihar, urriak 1, hasiko dira asfaltatze lanak Landetan, Antzibarrenako poligonoan hain zuzen. Antzibarrenako asfaltatze lanez gain, Landeta Etorbidean, Arretxe kalean, Nuarbeko erdigunean eta zerrategirako bidean eta Lasaon ere egingo dira. 

Kale edo auzo bakoitzaren egoeraren arabera, konponketa lan desberdinak egingo dira; hala, kale osoa asfaltatuko da zenbaitetan, eta zatiak beste batzuetan.

Obrek, eguraldiak laguntzen badu,hilabete inguru iraungo dute. Asfaltia enpresari esleitu zaizkio obrak eta 143.947,40 euroko aurrekontua du.  Lanek irauten duten bitartean, trafikoan unean uneko neurriak eta aldaketak egingo dira.