Aste Santuan aisiaz gozatzeko haur eta gaztetxoen ekintzetarako izen emateko epea zabaldu da
2023/03/16
Iristear dira Aste Santuak, eta horrekin batera haur eta gaztetxoen oporraldiak. Azken urteotan bezala, Aste Santuko ekintzak antolatuko ditu udalak. Ekintzak Pazko asterako antolatu dira; eta apirilaren 11tik 14ra, egingo dira, hain zuzen. Goiz ekintzak izango dira gehienak, baina egunpasa bat ere egingo dute tartean. Izen-emate ireki da eta martxoaren 24ra arte egongo da zabalik.
Ekintzen kostua 15€koa izango da eta izen-ematea online egitea gomendatzen da. Hala ere, online egiteko zailtasunak edo arazoak dituztenek Gazte Informazio bulegora jo dezakete (telefonoa: 943 15 71 60, e-posta: gib@azpeitia.eus), Sindikatu Zaharreko 1. solairura.
Gaztelekuari dagokionean, aurrerago jakinaraziko dute nola izango den egun horietako Gaztelekuaren funtzionamendua.
