Asteartean izango da apirileko ohiko udalbatzarra

Asteartean, apirilak 16, apirileko ohiko udalbatzarra izango da. 19:00etan hasiko da, eta pleno aretoan egingo dute. Besteak beste, 2024ko bigarren kreditu aldaketa egitea aztertuko dute udal ordezkariek.

Gai ordena:

• Udalbatzak 2024ko martxoaren 5ean eta martxoaren 25ean egindako aktak onartzea.
• 2024. ekitaldiko bigarren kreditu aldaketa, kreditu gehigarrien bidez
• Udalaren eta bere erakunde autonomiadunetako lanpostuen zerrenda aldatzea.
• Urola Erdiko Mankomunitatearen Kontu Batzordean Azpeitiko Udalaren ordezkaria eta bere ordezkoa izendatzea.
• Alkatetzak 2024ko otsailean emandako ebazpenen berri ematea.
• Galdera eta erreguak

Udalbatzarraren aurretik, gobernu batzordea izango da, 18:00etan.