Asteartean, urriak 1, hileko ohiko plenoa egingo da

urriaren 1ean, hileko lehen asteartean, ohiko hileko plenoa egingo du Azpeitiko Udalak 19:00etan hasita.

Honakoak izango dira landuko diren gaiak:

1.- Udalbatzak 2019ko uztailaren 16an egindako bilkuraren akta onartzea.

2.- HAPOren “Arana Ingurunea” HEN-4 esparruan, Esklabak-Iturzulo 4.3 azpieremuan 2. fasean eraikitzekoak diren araubide orokorreko babes ofizialeko 39 etxebizitza, haien garajeak eta trastelekuak jabetza-eskubidean esleitzeko baldintzak onartzea.

3.- Hiri Antolamenduko Plan Orokorrari dagokion AU4 “Arana Ingurunea” gune urbanistikoan, 4.3 Esklabak-Iturzulo azpieremuan, -2. Fasea-, jabetza eskubidean, erregimen bereziko 28 etxebizitza tasatu eta beren garaje eta trastelekuak esleitzeko baldintzak onartzea.

4.- Azpeitiko Udalaren eta Loiolako Santutegiaren arteko hitzarmena, parke osasungarria jarduera publikoa ezartzeko.

5.- Azpeitiko Udala eta Gipuzkoako Ur Kontsortzioaren arteko lankidetza hitzarmena, Urrestilla auzoa eta Azpeitia arteko bidegorriaren egitasmoan ur hornidura lanak egiteko.

6.- Trafikok eta FEMP erakundeak sinatutako hitzarmenari atxekitzea, informazioa elkartrukatzeko eta lankidetzarako administrazio mailan.

7.- Azpeitiko Udalaren Lanpostu Zerrendan Udaltzaingo buruaren (subofiziala) postua sortzea, eta titularraren jubilazioarekin batera udaltzain sarjentuaren postua amortizatzea.

8.- Nafarroako Erdialdeko uholdeen aurrean hitzarmenerako proposamena.

9.- Klima Aldaketaren mozioa

10.- Alkatetzak emandako Ebazpenen berri ematea.

11.- Galdera eta erreguak.