Asteazkenean bilera egingo da Alde Zaharreko bizilagunekin, Frontoi Txiki ondoko eremuari buruz

Aurrera jarraitzen du Frontoi Txiki ondoko eremuko partaidetza prozesuak. Azken asteotan, bilerak egin dituzte gune hori erabiltzen duten herriko zenbait kolektibo eta eragilerekin. Prozesua osagarritze fasean sartzera doa orain, eta hurrengo bilera Alde Zaharreko bizilagunekin egingo da, haien ekarpenak jaso ahal izateko. Azaroaren 27an izango da, 19:00etan, Frontoi Txiki ondoko eremuan bertan.

Behin espazioaren gaineko proposamenaren lehen zirriborroa osatuta, berriro elkartuko dira lehen fasean parte hartu duten herritar taldeekin eta eragileekin, proposamenaren gaineko ekarpenak jasotzeko.

Abenduaren 18an, parte-hartze prozesuan parte hartu duten herritar talde zein eragile guztiekin batera prozesua nola joan den azaltzeko saio bat egingo dute, eta espazioaren eraldaketa proiektua aurkeztuko dute.