Asteburuan hasiko da 'Azpeitia dantzan'

Iazko geldialdiaren ostean, aurten berriro taulak hartuko ditu 'Azpeitia dantzan' egitasmoak. Asteburu honetan zein hurrengoan, Soreasu antzokian mota desberdinetako dantzak izango dira gozagarri, herrian dantza munduan dagoen talentuaren erakusgarri. Saio guztiak Soreasun izango dira eta gonbidapena beharko da sartzeko. 

Uztailaren 4a, 17:00etan 19:00etan Joxe Mari Orbegozoren Dantzaki dantza eskolakoek emango die hasiera. Saio horretan, Salsa, Tango, Fanky, Zumba... eta bestelako erritmoen baitako dantzak izango dira ikusgai. Uztailaren 10 eta 11n, berriz, Sahatsa eta Itsasiren txanda izango da, hurrenez hurren. Sahatsak, uztailaren 10ean, 19:00etan eskainiko du Matalaz ikuskizuna. ikuskizuna J. Guridiren El Caserio lan esanguratsuaren Preludioarekin irekiko dute, Gipuzkoako hautatutako dantzen bilduma laburra, 'Aita San Antonio' koreofrafia alaia eta fandango ikusgarria ere bai, ondoren, Matalazi emango zaio pasoa. 

Hurrengoegunean, Itsasiren dantza ikuskizuna taularatuko da: Garenetik. Urtebeteko etenaldiaren ostean, azken urtean ospatu ez diren festak taularatuko dituzte. DAntza eta doinuen bitartez, kultura eta ohituraz gozatzeko aukera eskainiko dute, herriko festa desberdinak irudikatuz. 

Emanaldiak doakoak izango dira, baina gonbidapena izan beharko da sartzeko. Eskuratu zurea kulturazen webgunean.