Astelehenean, ekainak 15, egingo da uztailaren 12ko Eusko Legebiltzarrerako hauteskundeetarako mahaikideen zozketa

Datorren astelehenean,ekainak 15, egingo da uztailaren 12an izango diren Eusko Legebiltzarreko hauteskundeetarako mahaikideen zozketa. Ez ohiko plenoa 9:00etan izango da.

Herritarrek egun horretan bertan kontsultatu ahal izango dute udalaren webgunean (www.azpeitia.eus) hauteskundeetan mahaian egon beharko duten edo ez. Horretarako  erabiltzaileak bere NAN zenbakia sartu beharko du dagokion atalean eta sistemak erantzungo dio tokatu zaion ala ez, eta erantzuna baiezkoa bada, zein mahaitan  egotea dagokion. Hala ere, ohi bezala etxera bidaliko zaie karta zertifikatua mahaian egotea egokitu zaienei.