Ate irekiak, Biziberri etxeak ezagutzeko

Amaituta daude Azpeitiko Udalak adinekoentzako egin dituen Biziberri etxe tutelatuak, eta, datorren asteartean, martxoak 12, ate irekiak izango dira etxeak ikusi nahi dituzten herritar guztientzat. Bi txanda egongo dira: goizez, 10:00etatik 12:00etara; eta, arratsaldez, 15:00etatik 17:00etara.

Elizkalean daude Biziberri etxeak, eta hamabi dira guztira: logela batekoak dira lau eta bi logelakoak zortzi. Etxe guztiek dute beren sukalde eta egongela, komuna eta trastelekua. Gehienak ezinduentzako egokituta daude, eta beharrezko ekipamendu guztia dute: sukaldea guztiz jarrita, altxatzen den ohea, telealarma… Modu independentean, baina, aldi berean, behar duten laguntza guztiarekin bizitzeko aukera emango diete adinekoei.