Ate irekiak, Gaztelekua nola geratu den ikusteko

Amaitu dituzte Gaztelekuko lanak, eta hemendik aurrera, espazio zabalagoaz gozatzeko aukera izango dute gazteek. Hain zuzen, 80 metro karratu gehitu zaizkio eremuari, eta gazteen beharretara hobeto egokitutako espazioa sortu da. Horrez gain, beste hezitzaile bat ere kontratatu da Gaztelekurako.

Nola geratu den ikusi ahal izateko, ate irekiak egingo dituzte ostegunean, gurasoei eta edozein herritarri bideratuta. 18:30etik aurrera izango da.