Aurrera jarraitzen dute Salbe auzoko lanek

Salbe auzoko 14, 15, 16, 17 eta 18 zenbakien inguruko eremua berrurbanizatzeko lanak aurrera doaz, eta igerileku aldera ematen duen zatian hasi dira dagoeneko langileak.

Espaloia berritu ahal izateko, zenbait aparkaleku kendu egin dira, eta handik bideratuko dira oinezkoak. Gune horretako lanek pare bat hilabeteko iraupena izango dutela aurreikusten da.
Apirilean ekin zieten Salbeko berrurbanizazio lanei, auzoko irisgarritasuna hobetzeko helburuz.