Auzoetako ekarpenak jasotzen hasi da Azpeitiko Udala

Landa eremuko auzoetan bilerak egiten hasi da Azpeitiko Udala. 2023. urteko aurrekontuen parte hartze prozesuaren baitan, auzoetako bizilagunekin bilera sorta antolatu da urrirako. Aste honetan, Lasaon eta Aratz-errekan izan da Aitor Bereziartua zinegotzia, auzotarren behar, ekarpen eta iritziak jasotzeko helburuarekin. 

Datorren astean ere izango dira bilerak. Urriaren 10ean, Urrestillako auzo lokalean; urriaren 13an, Elosiagan, Añotan. eta urriaren 17an, Nuarbeko Sokatira museoan izango dira. Bilera guztiak 19:00etan izango dira.

Aurrekontuak osatzeko bigarren fasean, azpeitiar orok izango du ekarpenak egiteko aukera. Horretarako azken urteotan bezala, herriko txoko desberdinetan postontziak jarriko dira ekarpenak jasotzeko, eta online ekarpenak eta iritziak jasotzeko aukera ere jarriko da. Horren inguruko informazio zehatzagoa aurrerago eskainiko du udalak.