Azpeitiko Udalak 74.728 euro jasoko ditu udaletxeko eraikinean eraginkortasun energetikoa hobetzeko eta eguzki sorgailu fotovoltaikoaren bidez energia berriztagarriak instalatzeko

Udalak 149.465 euro bideratu ditu Udala Igerilekuan eraginkortasun energetikoa hobetzeko eta energia berriztagarriak instalatzeko, eguzki-sorgailu fotovoltaikoaren bidez. Kopuru horren ia % 50a IDAEk (Eskualde Garapeneko Europako Funtsa) diruz lagunduko du, Karbonoaren Beheko Ekonomiarako emandako diru-laguntzarekin. Lan horiei esker, energia-kontsumoa %39,5 aurreztuko da (47.997 Kwh/urte), eta gutxi gorabehera 15,25 tona CO2 gutxiago isuriko dira.

Azpeitiko Udalak 2020ko otsalean aurkeztu zion IDAEri (Energia Dibertsifikatzeko eta Aurrezteko Institutua) Udal Igerilekuan eraginkortasun energetikoa hobetzeko eta energia berriztagarriak eguzki-sorgailu fotovoltaikoaren bidez instalatzeko proiektu bat. Udalak proiektuaren ebazpen osagarria jaso du, eta 74.728 euro jasoko ditu finantzatzeko. Diru-laguntza horren bidez proiektuaren ia % 50a lagunduko du diruz.

Azpeitiko Udalaren teilatuan autokontsumorako instalazio fotoboltaiko bat ezartzea izan da proiektuaren helburua. Eguzki-sorgailu fotovoltaiko bat instalatu da metaketa elektrikoko sistemarik gabe eta potentzia eta eguzki-datuak neurtzeko eta erregistratzeko sistemarekin, 35,475kWp-ko potentziarekin autokontsumorako energia elektrikoa sortzeko, 1. motakoa sarera isuri gabe eta 129 panelez osatua. Era berean, eraikinaren energia-kontsumoak kontrolatzeko, monitorizatzeko eta kudeatzeko sistema bat instalatu da. Jarduera honekin instalazioak 47.997 kWh ekoizten ditu urtean. Jarduera horren ondorioz, eraikinean energia elektrikoa aurreztuko da, % 39,43, gutxi gorabehera. Eraikina D letratik C letrara igaroko da CO2 isurien kalifikazio energetikoan.

Proiektuaren helburua, beraz, herriko energia-kontsumoa gutxitzeaz gain, energia berriztagarrien ezarpena bultzatzea eta ingurumenari ahalik eta kalte gutxien eragitea da. Gainera, Azpeitiko Udalak energia kontsumoan aurreztuko du, kopuru hori Azpeitia hobetzeko beste neurri batzuetara bideratuz. Aldaketa horiekin guztiekin, Azpeitiko Udalak proiektuak ezartzen jarraitzen du, Jasangarritasun Energetikoari buruzko 4/2019 Legeak ezarritako betebeharrak bete ahal izateko.