Itzulpen automatikoa / Machine translation

Azpeitiko Udalak ere bat egin du Euskaraldiarekin

2025/03/05
Azpeitiko Udalak ere bat egin du Euskaraldiarekin

Maiatzaren 15etik 25era ospatuko da laugarren Euskaraldia. Entitateak ere gonbidatuta daude parte hartzera, eta Azpeitiko Udalak dagoeneko eman du izena.


Euskaraldian, hiru eskaera nagusi egiten zaizkie erakundeei: erakundeko kideei Euskaraldiaren berri eman eta ahobizi eta belarriprest izan daitezen sustatu; ariketa ondo egiteko eta rolean eroso egon daitezen prestakuntza tresnak aztertu eta partekatu; eta ariketan parte hartzen ari direla ikusgarri egin (espazioak apainduz, txapak banatuz…).

Bigarren bilera, bihar

Euskaraldiko Herri Batzordean ere parte hartuko du udalak. Otsailaren 19an egin zuten Euskaraldia antolatzeko lehen bilera Azpeitian, eta han eratu zuten batzordea. Aitziber Besga izango da Euskaraldiaren Azpeitiko koordinatzailea.

Bigarren bilera bihar izango da, 18:00etan, Basazabal jauregian. Lehenengo hitzordura joaterik izan ez zuten herritar eta entitate guztiak ere gonbidatuta daude.