Azpeitiko Udalaren proiektua, Hariak laguntzen onuradunetako bat
2025/02/20
Gipuzkoako Foru Aldundiaren Adinberri-Hariak ekimenaren helburua da nahi ez diren bakardadeak prebenitzea. Aurtengo laguntzen deialdian, hamabi proiektu izan dira onuradunak, eta horietako bat da Azpeitiko Udalak aurkeztutakoa.
Atzo, Donostian izan zen Leire Goenaga Gizarte Zerbitzuetako batzordeburua, proiektua aurkezten. Ehundik gora lagun zeuden entzuleen artean. Hain zuzen ere, adinekoen bakardadeari aurre egitea da Azpeitiko Udalak aurkeztutako proiektuaren helburua, eta etxeko arreta integralak eta adinekoen laguntza psikologikoak jasoko dute laguntza.
Adinberri-Hariak laguntzen bidez aukeratutako hamabi proiektuetatik bost ekimen bultzatzaileak dira, lau esperimentalak eta hiru esploraziokoak. Azken horietan sartzen da Azpeitiko Udalarena. Proiektu onuradunek HARIAK HUBen laguntza teknikoa izango dute.