Baratze ekologikoetako esleipendunek udaletxera etorri behar dute kontratua sinatzera

Izarraizpe eta Otzaka baratza ekologiko publikoetako esleipendunek bihartik datorren asteazkena bitartean (ekainak 22), kontratua sinatzera udaletxeko Hirigintza sailetik pasatu behar dute (3. solairua), 09:30etatik 12:30ak bitartean. Maiatzaren 25eko esleipenen zozketetan adierazi bezala, esleipendun guztiek kontratu berria sinatu behar dute (aurretik baratza zutenek ere bai). Esleipendun berriei kontratua sinatzearekin batera giltzak ere emango zaizkie.