Beheranzko joera ikusita, odol emaile egiteko eskaera

Udaletxeko balkoian zintzilikatutako banderak agerian uzten duen bezala, Odol Emaileen Nazioarteko Eguna da gaur. Hori dela eta, Azpeitiko Odol Emaileen Elkarteko kideek informazioa emateko postua jarriko dute arratsaldean plazan, 18:00etatik 20:30 aldera arte.

Kezka puntu bat ere badute; izan ere, azken urteotan odol emaileen kopurua jaisten ari da herrian. Horregatik, odola emateko eskatu diete herritarrei. Aurrerantzean, gainera, toki berri batean eman ahal izango da odola: Elizkaleko etxe tutelatu berrien beheko lokalean (Mendizaleak tabernaren aurrean). Hurrengo hitzorduan ekainaren 26an izango da.